Брзина, мобилност и флексибилност се трите основни карактеристики на нашата Логистика. За брза и сигурна нарачка и достава, Колид С Тим располага со:

• Возен парк од 150 возила каде секое возило е опремено со GPS уред за постојано следење и контрала на движењето.
• За потребите на дистрибуцијата, нашата компанија користи Cross Docking систем. За ефикасна и брза достава целокупната залиха е во централен магацин во Скопје, а секојднeвно со транспортни возила нарачаната стока се дистрибуира во логистичките центри во Битола и Струмица, односно Колешино, а од таму се дистрибуира до клиентите. На овој начин се постигнува расположливост на залихата за целата дистрибутивна мрежа којашто ја опфаќа целата територија на Македонија.
• Производството користи посебна софтверска функционалност којашто е вградена во Microsoft Dynamics NAV, со којашто се остварува целиот процес од набавка на суровини до испорака на готов производ со запазена точна следливост или “traceability” на производите. Со тоа производството ги обезбедува сите потребни информации и стандарди на работење кои се побаруваат како од пазарот така и од најистакнатите коминтенти како LIDL, Delhaize и др.

Колид С користи WMS (warehouse management system) којшто е имплементиран во комплексниот софтвер Microsoft Dynamics NAV, прилагоден на спецификите и потребите на нашето работење. Системот дозволува точност и ефикасност при извршување на приемот на роба, нејзино складирање, комисионирање, трансфер од еден магацин во друг, отпрема на робата.

Располага и со bundle pack простор во којшто се изработуваат сетови, пакет понуди, дополнително обележување на производите и на таков начин компанијата е подготвена да одговори на пазарните потреби за креирање на атрактивни акциски понуди.

Магацинскиот и административниот простор од над 9.000m2 е дизајниран во повеќе сегменти:
• според различниот температурен режим на складирање на стоката,
• одвојување на хемиската стока од прехранбената, лесно запалива роба и замрзната роба.